Бүгін №1 Көпбейінді қалалық балалар ауруханасында кішкентай науқастардың игілігі үшін әлі де еңбек етіп жүрген зейнеткер қызметкерлерді құрметтеуге арналған салтанатты іс-шара өтті.

Кәсіподақ комитетінің бастамасымен ардагер мамандарға ұзақ жылғы адалдығы мен денсаулық сақтау саласын дамытуға қосқан үлесі үшін естелік сыйлықтар табысталды.

Кәсіподақ комитетінің төрайымы М. Джапарова әріптестеріне ыстық ықыласын білдіріп, құттықтау сөз сөйледі. Ол олардың жас мамандарды тәрбиелеудегі және медициналық қызметтің озық дәстүрлерін сақтаудағы маңызды рөлін атап өтті.