№1 Қалалық көпсалалы балалар ауруханасында Пациент қауіпсіздігі күніне орай ұлттық акция аясында қызықты да танымды челлендж өтті.

Іс-шараның мақсаты – қызметкерлерге, кішкентай пациенттер мен олардың ата-аналарына медицина ұйымындағы қауіпсіздік әрқайсымыздан басталатынын еске салу.

Аурухана қызметкерлеріне ДДСҰ (ВОЗ) және ACQH ақпараттық материалдары негізінде негізгі үндеулері бар дәріс өткізілді.

Ата-аналар мен балалар үшін қол жуу гигиенасы, дәрігердің ұсынымдарын дәл сақтаудың маңызы және дәрі-дәрмекті қауіпсіз қолдану тақырыптарында шағын дәрістер мен әңгімелер ұйымдастырылды.

Челлендж медицина қызметкерлерін, пациенттер мен олардың отбасыларын біріктірді. Барлық қатысушылар пайдалы мәліметтерді қолжетімді әрі қызықты түрде алды.

Бұл іс-шара №1 ҚККБ үшін тек танымды шара ғана емес, сонымен бірге денсаулық пен қауіпсіздікке қамқорлық – ортақ жауапкершілік екенін еске салды.

Біз мұндай бастамалар тұрақты қауіпсіздік мәдениетін қалыптастырып, ауруханада болуды одан әрі жайлы әрі сенімді етеді деп сенеміз.